Setembro 15, 2023

by grupo76

• maionesa
• Receitas
• trucos de cociña

Claves para facer unha maionesa caseira

Catro ingredientes nun vaso fondo e unha batedora. A receita da maionesa caseira parece fácil, pero conseguir facela sen que se corte ou sen que quede demasiado líquida ten os seus trucos. Contámoschos para que poidas preparala en casa sempre que queiras, para tomar soa ou como base doutras salsas.

Ovo, aceite, sal e limón. Con estes catro ingredientes que todo o mundo ten en casa podes preparar unha exquisita maionesa caseira, que ademais é a base doutras marabillosas salsas como o ali oli, a tártara, a rosa ou a césar. Pero como facer para que quede perfecta? Aquí van algúns truquiños de bo cociñeiro.

• Usa os ingredientes a temperatura ambiente. Para que a salsa ligue e emulsione ben, é importante que os ingredientes estean a unha temperatura similar. Se os ovos están moi frios, é posible que non consigas que a maionesa calle. Por iso, o mellor é sacalos da neveira un intre antes e ter todos os ingredientes a temperatura ambiente.
• Un vaso fondo e estreito. O mellor recipiente para facer unha maionesa é un no que a batedora entre xusta e que sexa fondo. Así, emulsionará moito mellor.
• Velocidade media. Non poñas a batedora á súa máxima potencia, porque isto podería cortar a salsa, mellor a unha temperatura media. Ou ben empezar lento e ir subindo aos poucos a velocidade.
• Sempre limón. O zume de limón axuda a que a maionesa non se corte, así que úsao sempre. Primeiro bota o ovo no fondo do vaso, un pouco de sal, e logo o zume de limón.
• Non movas a batedora ata o final. Este é un dos pasos máis importantes na elaboración dunha maionesa. Mete a batedora ata o fondo do vaso e déixaa aí quieta ata que a maionesa xa empezo a emulsionar e a adquirir cremosidad. Só nese punto é cando podes empezar a movela con suavidade para que termine de mesturar todo o aceite.
• Máis aceite para espesar. Se a salsa quedouche moi líquida e prefírela con máis consistencia, engade aceite aos poucos.