Unha receita de tortilla moi galega, co intenso sabor dos roxóns de porco e a cremosidade e suavidade do queixo galego de Arzúa-Ulloa. Unha aposta segura para levar de romaría ou a unha comida campestre.
Fritimos as patacas en abundante aceite ata que estean brandas. Mentres batemos os 7 ovos nun bol e salgamos.
Retiramos as patacas, escorremos e botámolas no ovo batido
Cortamos o queixo en anacos pequenos e engadímolo á mestura de ovos e patacas.
Engadimos tamén os roxóns desmenuzados. Mesturamos ben todos os ingredientes para que se integren.
Envorcamos a mestura nunha tixola engraxada con un pouco de aceite de oliva.
Deixamos que a tortilla se faga uns minutos por unha banda e dámoslle a volta coa axuda dun prato ou un xiratortillas.