Orellas de Entroido
Descripción
As orellas son outra das receitas tradicionais galegas da época de Entroido, unha sobremesa sinxela que pasou de xeración en xeración e xa aparecía recollido na Cociña Galega de Álvaro Cunqueiro. O seu nome débese a que a súa forma lembra ás orellas do porco, e a súa orixe parece estar relacionado co xaxún da coresma.
Ingredientes
- 2 ovos Demillo
- 500 gramos Fariña
- 100 gramos manteiga derretida (ou manteiga de porco)
- 150 mililitros auga templada
- 200 mililitros anís ou augardente
- 100 gramos azucre (pode ser glass)
- 1 limón
- 1 laranxa
- 1 chisco de sal
- Aceite de oliva
- Azucre glass
Elaboración
-
Lavamos o limón e a laranxa relamos a pel. Reservamos.
Derretimos a manteiga e mesturamos nun bol grande coa auga, o anís e os ovos, o belisco de sal, o azucre e a ralladura de laranxa e limón. Mesturamos todo ben ata que non queden grumos.- Empezamos a incorporar a fariña aos poucos, mesturando cunha balea ou un garfo primeiro e logo coas mans. O obxectivo é que quede unha masa un pouco grasosa, manexable e un pouco húmida ao tacto.
- Deixamos repousar a masa, tapada cun pano a temperatura ambiente, durante unha hora.
- Unha vez repousase, collemos anacos de masa do tamaño dunha noz e estirámola co rodete ata que quede unha capa moi fina de masa. Se a masa se pega, poñemos un pouco de aceite no rodete.
- Fritimos en aceite abundante, dándolles a volta para que se douren polos dous lados. Imos retirando para unha fonte con papel absorbente.
Cando arrefríen, espolvoreamos con azucre glass... e sobremesa de entroido listo!
Entroido, sobremesas, tradicional