Biscoito de millo, limón e orujo
Unha miga compacta, pero ao mesmo tempo esponxosa, e con esa característica cor amarela que lle dá o millo. Un capricho doce para levar de sobremesa a calquera romaría ou comida campestre. Con esta receita de biscoito, non hai decepción posible.
- 4 ovos Demillo
- 1 yogur de limón (usamos o vaso como medida)
- 1 medida de aceite de oliva
- 2 medidas de azucre
- 2 medidas de fariña de millo
- 1 medida de fariña de trigo
- 1 sobre de fermento en po
- 100 mililitros orujo
- Manteiga ou aceite para engraxar o molde
- Azucre glass
Poñemos o forno para prequentar a 180ºC e botamos o iogur nun bol para poder usar o vaso como medida para o resto de ingredientes.
Batemos os ovos co azucre ate que quede unha masa ben ligada.
Engadimos o iogur, o fermento coa fariña tamizada, o orujo e o aceite. Batemos ben cada vez que engadimos un novo ingrediente.
Seguimos batendo ata ter unha masa homoxénea e fina.
Untamos un molde con manteiga e fariña. Envorcamos a mestura no molde.
Enfornamos durante 30-35 minutos a 180ºC.
Desmoldamos, deixamos arrefriar e espolvoreamos con azucre glass. ¡E sobremesa lista para irse de romaría!