Tortiñas caseiras con ovos Demillo

Poñemos no vaso da batedora os dous ovos, o azucre e o leite. Batemos todo.

Incorporamos a fariña e o fermento e seguimos batendo, ata que quede unha pasta líquida pero espesa.

Engraxamos un ferro ou tixola antiadherente cun anaquiño de manteiga ou margarina e poñemos un pouco da mestura na tixola.

Cando toda a superficie se encha de burbullas, cunha espátula ou lingua, dámoslle a volta. Deixamos que se doure polo outro lado.

Repetimos este último paso co resto da masa, ata que a esgotemos.

Espolvoreamos con cacao ou azucre glass. Tamén podemos poñerlle mel, chocolate líquido, nata, sirope ou froitas. A gusto do consumidor.

E tortiñas caseiras para almorzar ou merendar!