Está riquísimo, fácil de masticar, fácil de cociñar, fácil de combinar con outros alimentos e ademais é un alimento cunha alta densidade de nutrientes. Pódese pedir máis? Pois si, aínda hai máis. É un dos alimentos máis completos que podes atopar para a alimentación dos teus fillos:

• Contén todos os nutrientes necesarios para o seu crecemento.
• Bríndalles enerxía polo seu alto contido en proteínas.
• É moi dixerible.
• Proporciónalles vitamina D de maneira natural.
• É rico en graxas monoinsaturadas (graxas boas).
• É rico en ferro.

Cando poden empezar a comer ovos?

Durante o embarazo e a lactación, a colina ten un importante papel no desenvolvemento cerebral do feto, no peche do tubo neuronal ou para desenvolver unha boa visión. Pero cando introducir o ovo na alimentación infantil? Segundo as recomendacións da Asociación Española de Pediatría, pódese facer a partir dos 6 meses.

Durante moito tempo críase que introducir o ovo moi pronto na alimentación dos nenos podía aumentar o risco de alerxia, por iso recomendábase non darllo ata os nove meses, pero os últimos estudos parecen demostrar xusto o contrario. Canto antes empecen a comer ovos, o risco de alerxia será menor. O que recomendan os expertos é empezar aos seis meses coa xema cocida e aos poucos ir introducindo a clara e outras preparacións.

Unha arma contra a malnutrición

A introdución temperá dos ovos na alimentación infantil mellora significativamente o crecemento dos nenos. Isto é o que demostrou un estudo conxunto das universidades de Washington, California, Maryland e San Francisco en 2017, realizado cunha mostra de 160 nenos e nenas de entre 6 e 9 anos. Varios destes nenos foron seleccionados aleatoriamente para comer un ovo ao día durante 10 meses, fronte a un grupo de control que non recibiu ovos.

O resultado foi que os nenos que consumiran ovo aumentaron significativamente a puntuación de talla e peso por idade e reduciron o atraso do crecemento nun 47 por cento. Segundo Lora Iannotti, experta en nutrición infantil da Universidade de Washington, isto proba que “os ovos poden ser unha fonte viable e recomendada de nutrición para os nenos nos países en desenvolvemento”, porque segundo lembra a OMS, no mundo máis de 155 millóns de nenos menores de cinco anos padecen un atraso no crecemento.